noong ako'y binata pa'y tipid lagi sa gastos
anumang nasa pitaka'y tinitipid kong lubos
sa ulam nga'y nakaplano kung anong matutustos
isang latang sardinas nga'y di agad inuubos
maliit, pulang lata ng sardinas ang bibilhin
malasa't maanghang itong akin pang hahatiin
pang-almusal, pananghalian, panghapunan na rin
nakakabusog din, basta't marami ka lang kanin
sa turo-turo, tatlong kanin, kalahating ulam
sa kolehiyo pa'y nasanay nang iyan ang alam
tila ba sa tulad kong dukha'y iyan ang mainam
basta't busog ka't bayad, wala silang pakialam
natutunan ko iyon sa aking paggala-gala
nang umorder ng kalahating sardinas ang mama
at isang platong kanin sa turo-turo ng dukha
tila ba pulubing namamalimos ng kalinga
ako'y isang tibak na laging walang pamasahe
mabuti pa ang pulubing may sariling diskarte
isang latang sardinas lang, may ulam hanggang gabi
nakaraos muli ang isang araw, aking sabi
- gregbituinjr.
Mag-subscribe sa:
I-post ang Mga Komento (Atom)
Dinastiya, wakasan!
DINASTIYA, WAKASAN! tama si Mambubulgar sa kanyang ibinulgar isang katotohanang masa ang tinamaan ang inihalal kasi ng maraming botante ay m...
-
PITA dinggin mo ang tinig ng ating daigdig; kung pulos ligalig, wala bang pag-ibig? tingni ang alindog ng dagat at ilog; sa basura'y lub... -
UMALIWALAS DIN ANG PANAHON ilang araw umulan, di na makapaglimayon nasa lungga lang at lumilikha ng mithi't layon ngunit ngayon ay umali... -
Ang tabletang tinawag na YBC 7289 natagpuan noon ang isang putik na tableta na likha noong unang panahon sa Babilonya pinaniniwal...
Walang komento:
Mag-post ng isang Komento