sa tuwina'y nakatunganga lang sa kalangitan
nakatitig di na sa langit kundi sa kawalan
kung anu-ano na ang naglalaro sa isipan
lalo't tatlong buwan nang nakapiit sa tahanan
mabuti't may ilang anunsyong mag-ambag ng tula
hinggil ssa lockdown ay magkwento't magbigay ng katha
sa iba nama'y nag-ambag ng sanaysay kong likha
ipinasa bago ang huling petsang itinakda
kahit di naman karpintero, ako'y nagpanday din
at nakagawa ng kulungan para sa inahin
at sa kanyang labing-isang sisiw na alagain
nakapagpanday man ay marami pang dapat gawin
tatlong buwang nakakulong, buti't di nabubuwang
tila sa pag-alis ng lockdown laging nakaabang
laksang naburda sa isipan ay maraming patlang
sa panahong itong laging napapatiim-bagang
- gregbituinjr.
Mag-subscribe sa:
I-post ang Mga Komento (Atom)
Ako'y nauuhaw
AKO'Y NAUUHAW "Ako'y nauuhaw!" sabi ni Hesus habang nakabayubay siya sa krus pangungusap na inalalang lubos nang Semana S...
-
ANG LIBRO thirty five pesos lang ang libro sa BookSale ko nabili ito bakasakali lang matuto sa taong binabanggit dito pamagat ng libro... -
MAHALAGA'Y NARIRITO PA TAYO mahalaga'y naririto pa tayo patuloy ang lakad kahit malayo tahakin man ay kilo-kilometro ngunit isa man ... -
SA MINUMUTYA paano ko ba sasabihing mahal kita kung katapatan ko'y tila di mo makita nagsisinungaling ba yaring mga mata o sa sarili mis...
Walang komento:
Mag-post ng isang Komento