SONETO SA MUSA
tulad mo'y patak ng ulan
sa aking munting katawan
tulad mo'y init ng araw
sa panahong anong ginaw
tulad mo'y mga kataga
sa dagli, kwento ko't tula
tulad mo'y punong malilim
sa puso kong naninimdim
tulad mo'y isang bulaklak
pag ikaw ay umiindak
tulad mo'y isang diwata
inspirasyon sa pagkatha
musa ka niring panitik
na pluma ko ang katalik
- gregoriovbituinjr.
Walang komento:
Mag-post ng isang Komento