PABAHAY AT TRABAHO, HINDI CHACHA
kayganda't pinaghirapang sining
sa plakard na ina'y humihiyaw
doon ay talagang idinrowing
ang hiling nila't isinisigaw
payak na panawagan ng ina
at nakikinig ang kabataan
trabaho't pabahay, hindi ChaCha
dapat unahin para sa bayan
ChaCha ay kapritso lang ng trapo
na gustong mabago'y Konstitusyon
aariing sandaang porsyento
ng dayo ang lupa't term extension
trapo'y walang inisip sa bansa
kundi lumawig lamang ang hanay
ayaw gawin ang asam ng dukha
na trahaho muna at pabahay
trapo'y ChaCha ang nais sayawin
nang sa kapangyariha'y tumagal
binabalewala'y bayan natin
na inihuhulog sa imburnal
- gregoriovbituinjr.
03.12.2024
* litratong kuha ng makatang gala noong Araw ng Kababaihan 2024
A poet's autobiography is his poetry. Anything else is just a footnote. ~Yevgeny Yentushenko * Always be a poet, even in prose. ~Charles Baudelaire * Poetry should also contain steel and poets should know how to attack. ~Ho Chi Minh
Mag-subscribe sa:
I-post ang Mga Komento (Atom)
Dalawang magkaibang aklat, iisa ang pabalat
DALAWANG MAGKAIBANG AKLAT, IISA ANG PABALAT Maikling sanaysay at tula ni Gregorio V. Bituin Jr. Nitong Manila International Book Fair 2024, ...
-
MULING NILAY MATAPOS ANG LAKAD naroon lang daw ako sa loob ng tula na nakapiit sa saknong, sukat at tugma ako ba'y laya na pag binasa ng...
-
PAHINGA MUNA, AKING TALAMPAKAN pahinga muna, aking talampakan at narating na natin ang Tacloban nagpaltos man sa lakad na sambuwan ay nagpat...
-
Dalawang aklat ng science fiction Nabili ko ang librong The Caves of Steal ni Isaac Asimov sa BookEnds sa Baguio City noong Nobyembre 12, 20...
Walang komento:
Mag-post ng isang Komento