NANINILAY
baka magdyanitor na sa ospital
paraan ng pagbabayad ng utang
para lang kay misis na aking mahal
para may iambag kahit munti man
lahat ngayo'y pagbabakasakali
upang matamo lamang ang paggaling
ni misis, na asam ko't minimithi
para sa kanya, anuma'y gagawin
ayokong sa sinuman ay lumuhod
baka ngayon lang, ito'y gagawin ko
magpatirapa at maninikluhod
sa sinumang may salaping totoo
ako kaya'y tatanggaping artista
tulad ni Palito, parang kamukha
di rin Lito Lapid o FPJ ba
comedy ba'y mapapasok kong sadya
bayarin nga'y sadyang nakakabaliw
wala pa ang nobela kong gagawin
di ko na alam paano maaliw
sunod na hakbang, iniisip pa rin
- gregoriovbituinjr.
04.13.2025
Walang komento:
Mag-post ng isang Komento