PINIKPIKAN SA PANG-APATNAPUNG ARAW
nagpinikpikan habang inalala
ng angkan ang pang-apatnapung araw
ng pagkawala ng aking asawa
habang ramdam ko pa rin ay mapanglaw
isa nang tradisyon ang pinikpikan
bilang alay, bilang pasasalamat
sa lumikha nitong sansinukuban
habang ramdam ko pa rin yaong bigat
sa dibdib, tila sangkaterbang bato
ang nakadagan, buti't di sumikip
ang dibdib, nakakatayo pa ako
habang si misis ang nasasaisip
magpapatuloy pa rin yaring buhay
sa kabila ng nadaramang lumbay
- gregoriovbituinjr.
07.23.2025
Walang komento:
Mag-post ng isang Komento