BAWANG JUICE
nag-init ng tubig sa takure
at naglagay ng bawang sa baso
di naman ako nagmamadali
mamayang tanghali pa lakad ko
madaling araw pa nang magising
nagtrabaho na sa pagsusulat
nagutom, nagluto, at kumain
bawang ay tinanggalan ng balat
sa baso, butil nito'y nilagay
nagbanto ng mainit na tubig
at ininom habang naninilay
ang nawala kong sinta't pag-ibig
pampalakas nga raw ang bawang juice
subalit dapat huwag madalas
hanggang sa ito'y aking maubos
ay, kaysarap nitong panghimagas
- gregoriovbituinjr.
08.06.2025
Walang komento:
Mag-post ng isang Komento